സംസ്ഥാനത്ത് ആദ്യമായി ബി എസ്സി ന്യൂക്ലിയാര് മെഡിസിന് ടെക്നോളജി കോഴ്സ് കോഴിക്കോട് മെഡിക്കല് കോളജില് ആരംഭിക്കുന്നതിന് അനുമതി നല്കിയതായി മന്ത്രി വീണാ ജോര്ജ്.
ആറ് സീറ്റുകളാണുണ്ടാവുക. ഇന്ത്യയില് കുറച്ച് മെഡിക്കല് കോളേജുകളില് മാത്രമാണ് ഈ കോഴ്സുള്ളത്.പുതിയ കോഴ്സ് ആരംഭിക്കുന്നതോടെ നൂതനമായ ന്യൂക്ലിയാര് മെഡിസിന് ടെക്നോളജിയില് കൂടുതല് വിദഗ്ധരെ സൃഷ്ടിക്കാന് സാധിക്കും.
നടപടിക്രമങ്ങള് പാലിച്ച് അടുത്ത അധ്യയന വര്ഷം തന്നെ കോഴ്സ് ആരംഭിക്കാനാകും. റേഡിയോ ആക്ടീവ് മൂലകങ്ങളും അവയുടെ വികിരണങ്ങളും ഉപയോഗിച്ച് രോഗനിര്ണയവും ചികിത്സയും നടത്തുന്ന അത്യാധുനിക ശാസ്ത്ര ശാഖയാണ് ന്യൂക്ലിയര് മെഡിസിന്. റേഡിയോ ഐസോടോപ്പ് ഉപയോഗിച്ചുള്ള സ്കാനിംഗും ചികിത്സയും നടത്തുന്നു.
ഹൈപ്പര് തൈറോയ്ഡിസം, തൈറോയിഡ് കാന്സര്, ന്യൂറോ എന്ഡോക്രൈന് ട്യൂമര്, മറ്റ് കാന്സറുകള് എന്നിവയുടെ ചികിത്സയ്ക്ക് ന്യൂക്ലിയാര് മെഡിസിന് ഉപയോഗിക്കുന്നു. സംസ്ഥാനത്ത് തിരുവനന്തപുരം, കോഴിക്കോട് മെഡിക്കല് കോളേജുകളില് ന്യൂക്ലിയാര് മെഡിസിന് വിഭാഗം പ്രവര്ത്തിച്ചു വരുന്നു.
No Comment.