അയ്യപ്പസന്നിധി

ഇന്ന്‌ വൃശ്ചികം മുപ്പത്തി നാല്
വൃതാനുഷ്ഠനത്തിന്റെയും
ശരണം വിളികളുടെയും
പുണ്ണ്യനാളുകൾ

കവിത

അയ്യപ്പസന്നിധി

രചന

ഗിരിജൻ ആചാരി തോന്നല്ലൂർ

ശബരീഗിരിനാഥന്റെ
തിരുനടയിൽ വന്നു ഞാൻ
പുണ്യമാം സുകൃതം തേടി…(2)
ശരണാഗതനയ്യപ്പൻ
ദർശനം നൽകുമ്പോൾ
അതിലേറെ പുണ്യമെന്ത്…?
സ്വാമി.. അതിലേറെ
പുണ്യമെന്ത്…?

(ശബരീ….)

അറിവില്ലാ പൈതങ്ങൾ
ചെയ്തിടും പിഴകൾ
അവിടന്നു പൊറുക്കുമല്ലോ…
സ്വാമി… അവിടന്നു പൊറുക്കുമല്ലോ…(2)
അറിവായും പൊരുളായും
അകതാരിൽ നിറയണെ…
അയ്യനേ… അയ്യപ്പനേ…
സ്വാമി… അയ്യനേ…
അയ്യപ്പനേ…

(ശബരീ….)

മതജാതിമാത്സര്യങ്ങൾ
വർഗ്ഗീയചിന്തകൾ
അവിടത്തെ മുന്നിലില്ല…(2)
മാനവരെല്ലാരും
ഒന്നിച്ചുകൂടും
കലികാലനാഥന്റെ
സന്നിധിയല്ലോ…
അയ്യപ്പസ്വാമിതൻ
സന്നിധിയല്ലോ…

(ശബരീ….)