മേടം രാശി (അശ്വതി, ഭരണി, കാർത്തിക ആദ്യ കാൽഭാഗം): സാമ്പത്തികമായി വളരെ മെച്ചപ്പെട്ട ഒരു ദിവസമായിരിക്കും ഇന്ന്. തൊഴിൽപരമായ കാര്യങ്ങളിൽ വലിയ നേട്ടങ്ങൾ കൊയ്യാൻ സാധിക്കും. വിവാഹാലോചനകൾ നടത്തുന്നവർക്ക് അനുകൂലമായ തീരുമാനങ്ങൾ പ്രതീക്ഷിക്കാം. മുടങ്ങിക്കിടന്ന സർക്കാർ സംബന്ധമായ ജോലികൾ വേഗത്തിൽ പൂർത്തിയാക്കാൻ സാധിക്കുന്ന ശുഭദിനമാണിത്.
ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം): ഭാഗ്യദേവത തുണയ്ക്കുന്ന ദിവസമാണിത്. ലോട്ടറിയിലോ നറുക്കെടുപ്പുകളിലോ അപ്രതീക്ഷിത വിജയം തേടിയെത്തിയേക്കാം. ദീർഘകാലമായി കാണാതിരുന്ന പഴയ സുഹൃത്തുക്കളെ കണ്ടുമുട്ടുന്നത് മനസ്സിന് വലിയ സന്തോഷം നൽകും. ഔദ്യോഗിക രംഗത്ത് സ്ഥാനക്കയറ്റവും തൊഴിൽ വിജയവും ഉണ്ടാകും; സുഖനിദ്ര അനുഭവപ്പെടും.
മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം): സംസാരത്തിൽ മിതത്വം പാലിക്കേണ്ടത് ഇന്നത്തെ സാഹചര്യത്തിൽ അത്യാവശ്യമാണ്. തൊഴിലിടങ്ങളിൽ അനാവശ്യമായ വാദപ്രതിവാദങ്ങൾ ഒഴിവാക്കുക. അലസത പ്രവർത്തനങ്ങളെ ബാധിക്കാതെ നോക്കണം. അപവാദങ്ങൾക്കോ ചീത്തപ്പേരുകൾക്കോ ഇടവരാതെ ഓരോ ചുവടും ജാഗ്രതയോടെ വെക്കുക.
കർക്കിടകം രാശി (പുണർതം അവസാന കാൽഭാഗം, പൂയം, ആയില്യം): കുടുംബാംഗങ്ങളുമായി, പ്രത്യേകിച്ച് പങ്കാളിയോടും മക്കളോടും സംസാരിക്കുമ്പോൾ സംയമനം പാലിക്കുക. നിസ്സാര കാര്യങ്ങൾ വലിയ തർക്കങ്ങളിലേക്ക് നീങ്ങാൻ സാധ്യതയുണ്ട്. ചെയ്യുന്ന ജോലികളിൽ പൂർണ്ണമായ സംതൃപ്തി ലഭിക്കാൻ അല്പം കൂടി പരിശ്രമിക്കേണ്ടി വന്നേക്കാം.
ചിങ്ങം രാശി (മകം, പൂരം, ഉത്രം ആദ്യ കാൽഭാഗം): ശത്രുക്കളുടെ ശല്യം ഒഴിഞ്ഞുമാറുന്നതോടൊപ്പം കാര്യവിജയം കൈവരിക്കാനും സാധിക്കും. ദാമ്പത്യ ജീവിതത്തിൽ മികച്ച ഐക്യവും സന്തോഷവും അനുഭവപ്പെടും. സാമ്പത്തിക നേട്ടങ്ങൾ ഉണ്ടാകുകയും വിശ്വസ്തരായ പുതിയ സുഹൃത്തുക്കളെ ലഭിക്കുകയും ചെയ്യുന്ന ശുഭദിനമാണിത്.
കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം): അപരിചിതരുമായുള്ള അനാവശ്യ ബന്ധങ്ങൾ കുടുംബത്തിൽ പ്രശ്നങ്ങൾ ഉണ്ടാക്കാതെ ശ്രദ്ധിക്കുക. സാമ്പത്തിക ഇടപാടുകളിൽ അതീവ ജാഗ്രത വേണം. അത്യാവശ്യ യാത്രകൾ വേണ്ടിവന്നേക്കാം; എന്നാൽ യാത്രകൾ മൂലം ശാരീരികമായ ക്ഷീണവും അലച്ചിലും അനുഭവപ്പെടാൻ സാധ്യതയുണ്ട്.
തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം): കുടുംബത്തിൽ ഐശ്വര്യവും സമാധാനവും നിറയുന്ന ദിവസമായിരിക്കും ഇത്. ദാമ്പത്യ ബന്ധത്തിലെ സ്നേഹവും ഐക്യവും വർദ്ധിക്കും. സാമ്പത്തികമായി ഭാഗ്യാനുഭവങ്ങൾ കടന്നുവരുന്നത് മനസ്സിന് വലിയ ആശ്വാസം നൽകും. പ്രവർത്തനങ്ങളിൽ സന്തോഷം അനുഭവപ്പെടും.
വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട): ആരോഗ്യപരമായ കാര്യങ്ങളിൽ ഇന്ന് വിട്ടുവീഴ്ച ചെയ്യരുത്. മോശം കൂട്ടുകെട്ടുകൾ വഴി ദുഷ്പേരുകൾ കേൾക്കാൻ ഇടവരാതെ ശ്രദ്ധിക്കണം. അനാവശ്യമായ അലച്ചിലും കുടുംബാംഗങ്ങളുമായുള്ള തർക്കങ്ങളും ഒഴിവാക്കാൻ മനഃസംയമനം പാലിക്കുന്നത് നന്നായിരിക്കും.
ധനു രാശി (മൂലം, പൂരാടം, ഉത്രാടം ആദ്യ കാൽഭാഗം): ദാമ്പത്യ ജീവിതത്തിൽ മികച്ച സന്തോഷവും ഐക്യവും അനുഭവപ്പെടും. പുതിയ വസ്ത്രങ്ങളോ ആഭരണങ്ങളോ വാങ്ങാൻ സാധിക്കുന്ന ശുഭദിനമാണിത്. ദീർഘകാലമായി അലട്ടിയിരുന്ന സാമ്പത്തിക പ്രതിസന്ധികൾക്ക് അയവ് വരും. ഭാഗ്യാനുഭവങ്ങൾ നിങ്ങളെ തേടിയെത്തും.
മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം): ആത്മീയ യാത്രകൾക്കും പുണ്യസ്ഥല സന്ദർശനത്തിനും അനുകൂലമായ ദിവസമാണിത്. കുടുംബത്തിൽ മംഗളകരമായ കാര്യങ്ങൾ നടക്കും. ഔദ്യോഗിക രംഗത്തെ പ്രശ്നങ്ങൾ പരിഹരിക്കപ്പെടും. അപ്രതീക്ഷിതമായ ധനലാഭം മൂലം സാമ്പത്തിക ബുദ്ധിമുട്ടുകൾക്ക് പരിഹാരമുണ്ടാകും.
കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം): പണം, ചെക്ക്, മറ്റ് രേഖകൾ എന്നിവ കൈകാര്യം ചെയ്യുമ്പോൾ അതീവ ജാഗ്രത പുലർത്തുക; വഞ്ചിക്കപ്പെടാൻ സാധ്യതയുണ്ട്. നിയമപരമായ കാര്യങ്ങളിൽ കുരുക്കുകൾ വരാതെ ശ്രദ്ധിക്കണം. കോടതി ഇടപാടുകളിൽ ഓരോ ചുവടും നിയമവിദഗ്ദ്ധരുടെ ഉപദേശപ്രകാരം മാത്രം വെക്കുക.
മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി): പ്രവർത്തനങ്ങളിൽ അല്പം മന്ദത അനുഭവപ്പെടാൻ സാധ്യതയുണ്ട്. മക്കളുടെ കാര്യത്തിലോ ദാമ്പത്യത്തിലോ ചെറിയ ആശങ്കകൾ ഉണ്ടായേക്കാം. തടസ്സങ്ങൾ നീക്കാൻ ക്ഷമയോടെയുള്ള സമീപനം ആവശ്യമാണ്. അനാവശ്യ ചെലവുകൾ നിയന്ത്രിക്കുകയും ആരോഗ്യകാര്യത്തിൽ ശ്രദ്ധിക്കുകയും ചെയ്യുക.
തയ്യാറാക്കിയത്:
ജയറാണി ഈ വി.
Contact: +919746812212
(രണ്ട് പതിറ്റാണ്ടിലേറെയുള്ള പ്രവൃത്തിപരിചയവും പാരമ്പര്യ ജ്യോതിഷ പശ്ചാത്തലവുമുള്ള വിദഗ്ദ്ധ. ജ്യോതിഷം, വാസ്തു, സംഖ്യാശാസ്ത്രം തുടങ്ങിയ വിഷയങ്ങളിൽ ആധികാരികമായ മാർഗ്ഗനിർദ്ദേശങ്ങൾ നൽകുന്നു.)
No Comment.