മുന്ന് കവിതകൾ

നിഥിൻകുമാർ ജെ പത്തനാപുരം

,

1,ഇരുളിന്റെ പ്രകാശം

---

ഈ ഇരുളിലുമൊരു
പ്രകാശമുണ്ട്.
മിന്നാമിനുങ്ങിന്റെ നേർത്ത
പ്രകാശം പോലെ.
നിറം മങ്ങിയ
നിലാവെളിച്ചത്തിന്റെ
പുറം ചട്ടയും ചിതൽ
പൊതിഞ്ഞിരുന്നു.
മങ്ങിയരണ്ട പ്രകാശമിന്നും
അണയാതെയിരുന്നു.

---

2,നാളെയുടെ സ്വപ്നം

---

ഉയരുവാൻ കൊതിക്കുന്നൊരു
ജനതയിന്നും
ഉയർന്നുജ്വലിക്കുമൊരു സുര്യനെകണ്ടൊരു
പ്രതീക്ഷയുടെ ചിത്രം
കോറി നൽകി.
ഒടുവിലായ് വീണുപോയ
ജീവനുകകൾക്കായി
ജീവിതങ്ങൾ പലതും
പടികളിറങ്ങി.

---

3,വസന്തം

---

മനം നിറച്ച പൊൻകൊന്ന
പൂവിതളുകൾ പൊഴിഞ്ഞു വീണിരുന്നു.
വിഷുപക്ഷിയുടെ നീറുന്ന
വേദനയും പൊൻകൊന്നപ്പൂവിനൊപ്പം
അടർന്നുവീണിരിന്നു,
ഞാനെന്റെയീ നിശയിൽ സർവ്വവും
വിസ്മരിക്കുകയാണൊരുയാമത്തിനപ്പുറം
വിരിയുന്നൊരു വിഷുപുലരിക്കായ്..