ഒരു പാട് സ്വപ്നങ്ങളും കളിചിരികളും ബാക്കിവെച്ച് ആ കൊച്ചു മിടുക്കി യാത്രയായി. കൊടുവള്ളി കച്ചേരിമുക്ക് കളത്തിങ്കൽ റഷീദിന്റെ മകൾ തൻഹ (12) ആണ് ഷോക്കേറ്റു മരിച്ചത്. മടവൂർ എ.യു.പി സ്കൂളിലെ ഏഴാം ക്ലാസ് വിദ്യാർത്ഥിനിയായിരുന്നു ഈ കൊച്ചു മിടുക്കി.
ഇന്നലെ വൈകുന്നേരം ആറ് മണിയോടെയാണ് നാടിനെ നടുക്കിയ ആ അപകടം നടന്നത്. വീടിന് മുകളിലൂടെ പോകുന്ന ഇലക്ട്രിക് ലൈനിൽ അബദ്ധത്തിൽ കൈ തട്ടുകയായിരുന്നു. പഴയ വീടിന് അരികിലൂടെ ഏറെ അകലെയായിരുന്ന ലൈൻ, പുതിയ വീട് നിർമ്മിച്ചതോടെ വീടിനോട് ചേർന്നായി മാറിയിരുന്നു. ഇതാണ് ദാരുണമായ ഈ അപകടത്തിന് കാരണമായത്.
അപകടം നടന്ന ഉടൻ തന്നെ കൊടുവള്ളിയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. നിലവിൽ മൃതദേഹം കോഴിക്കോട് മെഡിക്കൽ കോളേജ് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.
ദേശീയ പണിമുടക്ക് തുടങ്ങി; പണിമുടക്കുന്നവർക്ക് ശമ്പളമില്ല, ഡയസ്‌നോൺ പ്രഖ്യാപിച്ച് സർക്കാർ
No Comment.