ഈ സാല കപ്പ് നംദേ! വഡോദരയിൽ ആർസിബിക്ക് കിരീടനേട്ടം; ഡൽഹിക്ക് വീണ്ടും ഫൈനൽ തോൽവി.”

വനിതാ പ്രീമിയർ ലീഗ് (WPL) 2026 കിരീടം റോയൽ ചലഞ്ചേഴ്‌സ് ബാംഗ്ലൂർ (RCB) സ്വന്തമാക്കി. വഡോദരയിൽ നടന്ന ആവേശകരമായ ഫൈനലിൽ ഡൽഹി ക്യാപിറ്റൽസിനെ 6 വിക്കറ്റിനാണ് സ്മൃതി മന്ദാനയും സംഘവും പരാജയപ്പെടുത്തിയത്. ഡൽഹി ഉയർത്തിയ 204 റൺസ് എന്ന കൂറ്റൻ വിജയലക്ഷ്യം പിന്തുടർന്ന ബാംഗ്ലൂർ, സ്മൃതി മന്ദാനയുടെ (87) തകർപ്പൻ ബാറ്റിംഗ് മികവിൽ വിജയതീരമണയുകയായിരുന്നു. ജോർജിയ വോളും മികച്ച പിന്തുണ നൽകിയതോടെ, അവസാന ഓവറിലെ ആകാംക്ഷകൾക്കൊടുവിൽ ബാംഗ്ലൂർ തങ്ങളുടെ രണ്ടാം WPL കിരീടത്തിൽ മുത്തമിട്ടു.
മറുവശത്ത്, ഡൽഹി ക്യാപിറ്റൽസിന് ഇത് തുടർച്ചയായ നാലാം ഫൈനൽ തോൽവിയാണ്. ആദ്യം ബാറ്റ് ചെയ്ത ഡൽഹി, ജെമീമ റോഡ്രിഗസിന്റെയും (57) ലോറ വോൾവാർട്ടിന്റെയും മികവിൽ 203 റൺസ് എന്ന മികച്ച സ്കോർ പടുത്തുയർത്തിയെങ്കിലും, ബാംഗ്ലൂരിന്റെ പോരാട്ടവീര്യത്തിന് മുന്നിൽ പിടിച്ചുനിൽക്കാനായില്ല. കപ്പിനും ചുണ്ടിനുമിടയിൽ വീണ്ടും കിരീടം നഷ്ടമായതോടെ, ‘ഫൈനലിലെ നിർഭാഗ്യവാൻമാർ’ എന്ന പേരുദോഷം മാറ്റാൻ ഡൽഹിക്ക ഇത്തവണയും സാധിച്ചില്ല.