മേടം രാശി (അശ്വതി, ഭരണി, കാർത്തിക ആദ്യ കാൽഭാഗം): പൂർവ്വിക സ്വത്തുക്കൾ നിയമപരമായി നിങ്ങളുടെ കൈകളിൽ വന്നുചേരാൻ അനുകൂലമായ ദിവസമാണിത്. ദീർഘകാലമായി അലട്ടിയിരുന്ന സാമ്പത്തിക പ്രതിസന്ധികൾക്ക് ശാശ്വതമായ പരിഹാരം കാണാൻ സാധിക്കും. കലാരംഗത്ത് താൽപ്പര്യമുള്ളവർക്ക് ഇന്ന് മികച്ച പ്രകടനങ്ങൾ കാഴ്ചവെക്കാൻ സാധിക്കും.
ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം): ദീർഘകാലമായി കാണാതിരുന്ന പഴയ സുഹൃത്തുക്കളെയോ പ്രിയപ്പെട്ട ബന്ധുക്കളെയോ കണ്ടുമുട്ടാനും സന്തോഷം പങ്കുവെക്കാനും അവസരം ലഭിക്കും. തൊഴിൽ രംഗത്തും ബിസിനസ്സിലും അസുലഭമായ പുതിയ അവസരങ്ങൾ കൈവരുന്നതോടൊപ്പം സാമ്പത്തികമായി വലിയ നേട്ടങ്ങൾ സ്വന്തമാക്കാനും സാധിക്കും.
മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം): കൂട്ടുകെട്ടുകൾ തിരഞ്ഞെടുക്കുമ്പോൾ അതീവ ശ്രദ്ധ പുലർത്തുക; മോശം സൗഹൃദങ്ങൾ നിങ്ങളെ അനാവശ്യ പ്രശ്നങ്ങളിൽ എത്തിച്ചേക്കാം. അപ്രതീക്ഷിതമായ ചെലവുകൾ വർദ്ധിക്കാൻ സാധ്യതയുള്ളതിനാൽ പണമിടപാടുകളിൽ നിയന്ത്രണം വേണം. ആരോഗ്യ കാര്യങ്ങളിൽ പ്രത്യേക കരുതൽ ആവശ്യമാണ്.
കർക്കിടകം രാശി (പുണർതം അവസാന കാൽഭാഗം, പൂയം, ആയില്യം): ബന്ധുക്കൾ ഒത്തുചേരുന്നതിലൂടെ കുടുംബത്തിൽ സന്തോഷം നിറയും. ഔദ്യോഗിക രംഗത്ത് മേലധികാരികളുടെ പ്രശംസ പിടിച്ചുപറ്റാനും സ്ഥാനക്കയറ്റത്തിനുള്ള വഴി തെളിയാനും സാധ്യതയുണ്ട്. വീട്ടിൽ ദാമ്പത്യ സൗഖ്യവും മംഗളകരമായ ചടങ്ങുകൾ നടത്താനുള്ള സാഹചര്യവും ഒത്തുവരും.
ചിങ്ങം രാശി (മകം, പൂരം, ഉത്രം ആദ്യ കാൽഭാഗം): വിവാഹാലോചനകളിൽ അനുകൂലമായ തീരുമാനങ്ങൾ പ്രതീക്ഷിക്കാവുന്ന ശുഭദിനമാണിത്. വിശ്വസ്തരായ പുതിയ സുഹൃത്തുക്കളെ ലഭിക്കും. സാമ്പത്തികമായ നേട്ടങ്ങൾ ഉണ്ടാകുന്നതോടൊപ്പം പുതിയ ആഭരണങ്ങളോ വീട്ടുപകരണങ്ങളോ സ്വന്തമാക്കാൻ സാധിക്കും. കുടുംബത്തിൽ സന്തോഷം നിലനിൽക്കും.
കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം): നിയമപരമായ കാര്യങ്ങളിലും കോടതി ഇടപാടുകളിലും അതീവ ജാഗ്രത പുലർത്തുക; പ്രതികൂലമായ തീരുമാനങ്ങൾക്ക് സാധ്യതയുണ്ട്. അയൽവാസികളുമായി അതിർത്തി സംബന്ധമായോ മറ്റോ ഉള്ള തർക്കങ്ങളിൽ ഏർപ്പെടാതെ പക്വതയോടെ പെരുമാറുക. അപമാനത്തിനോ അനാവശ്യമായ അലച്ചിലിനോ ഇടവരാതെ നോക്കണം.
തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം): ഇന്ന് പുതിയ കാര്യങ്ങൾ ചെയ്യുമ്പോൾ പ്രതീക്ഷിച്ചതിനേക്കാൾ അല്പം സമയക്കൂടുതൽ എടുത്തേക്കാം. സാമ്പത്തിക ഇടപാടുകളിൽ നഷ്ടം വരാതെ സൂക്ഷിക്കുക. ശാരീരികമായ ചെറിയ അസ്വസ്ഥതകൾ പോലും അവഗണിക്കാതെ വിശ്രമമെടുക്കുക. വളർത്തുമൃഗങ്ങളെയോ മറ്റ് ജീവികളെയോ കൈകാര്യം ചെയ്യുമ്പോൾ ശ്രദ്ധ ആവശ്യമാണ്.
വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട): പ്രിയപ്പെട്ടവരോടൊപ്പം പുണ്യസ്ഥലങ്ങൾ സന്ദർശിക്കാനോ ഉല്ലാസയാത്രകൾ നടത്താനോ അവസരം ലഭിക്കും. ആരോഗ്യസ്ഥിതി മെച്ചപ്പെടും. ഇഷ്ടഭക്ഷണം ആസ്വദിക്കാനും സുഖകരമായ നിദ്ര ലഭിക്കാനും യോഗമുണ്ട്. മനസ്സമാധാനവും സംതൃപ്തിയും അനുഭവപ്പെടുന്ന ദിവസമാണ്.
ധനു രാശി (മൂലം, പൂരാടം, ഉത്രാടം ആദ്യ കാൽഭാഗം): വിദേശയാത്രയ്ക്കോ വിദേശത്ത് ജോലി ലഭിക്കാനോ ആഗ്രഹിക്കുന്നവർക്ക് ഇന്ന് അനുകൂലമായ വാർത്തകൾ ലഭിക്കും. ശത്രുക്കളുടെ നീക്കങ്ങൾ പരാജയപ്പെടും. കഠിനാധ്വാനത്തിലൂടെ സാമ്പത്തിക നേട്ടവും കീർത്തിയും സ്വന്തമാക്കാൻ സാധിക്കും. ഉയർന്ന പദവികളിൽ ഇരിക്കുന്നവർക്ക് അനുകൂലമായ തീരുമാനങ്ങൾ എടുക്കാൻ സാധിക്കുന്ന ദിനമാണ്.
മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം): കുടുംബാംഗങ്ങളുമായി സംസാരിക്കുമ്പോൾ ക്ഷമയും സംയമനവും പാലിക്കുക, അല്ലാത്തപക്ഷം അനാവശ്യമായ തർക്കങ്ങൾക്ക് സാധ്യതയുണ്ട്. വരവിനേക്കാൾ ചെലവ് കൂടാൻ ഇടയുള്ളതിനാൽ പണം വിവേകത്തോടെ ഉപയോഗിക്കുക. സ്ത്രീകളുമായുള്ള ഇടപാടുകളിൽ മാന്യത പുലർത്തുക.
കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം): മറ്റുള്ളവരുമായുള്ള സാമ്പത്തിക ഇടപാടുകളിലോ ജാമ്യം നിൽക്കുന്ന കാര്യങ്ങളിലോ അതീവ ജാഗ്രത പുലർത്തുക; വഞ്ചിക്കപ്പെടാൻ സാധ്യതയുണ്ട്. നിസ്സാരമായ തർക്കങ്ങൾ വലിയ നിയമപ്രശ്നങ്ങളിലേക്ക് നീങ്ങാതെ പക്വതയോടെയും ക്ഷമയോടെയും കൈകാര്യം ചെയ്യാൻ ശ്രദ്ധിക്കുക.
മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി): ഭാഗ്യദേവത തുണയ്ക്കുന്ന ദിവസമാണിത്. ലോട്ടറിയിലോ നറുക്കെടുപ്പുകളിലോ അപ്രതീക്ഷിത വിജയം തേടിയെത്തിയേക്കാം. വളരെ കാലമായി കാണാതിരുന്ന പഴയ സുഹൃത്തുക്കളെ കണ്ടുമുട്ടുന്നത് മനസ്സിന് വലിയ സന്തോഷം നൽകും. ഔദ്യോഗിക രംഗത്ത് സ്ഥാനപ്രാപ്തിയും തൊഴിൽ വിജയവും സുഖനിദ്രയും ഉണ്ടാകും.
ജയറാണി ഈ വി.
Contact: +919746812212
(രണ്ട് പതിറ്റാണ്ടിലേറെയുള്ള പ്രവൃത്തിപരിചയവും പാരമ്പര്യ ജ്യോതിഷ പശ്ചാത്തലവുമുള്ള വിദഗ്ദ്ധ. ജ്യോതിഷം, വാസ്തു, സംഖ്യാശാസ്ത്രംതുടങ്ങിയ വിഷയങ്ങളിൽ ആധികാരികമായ മാർഗ്ഗനിർദ്ദേശങ്ങൾ നൽകുന്നു.)
No Comment.