മേടം രാശി (അശ്വതി, ഭരണി, കാർത്തിക ആദ്യ കാൽഭാഗം): ഗവൺമെന്റ് മേഖലയിൽ ജോലി ആഗ്രഹിക്കുന്ന ഉദ്യോഗാർത്ഥികൾക്ക് അർഹമായ മികച്ച അവസരങ്ങൾ കൈവരുന്ന അനുകൂല ദിനമാണിത്. ഔദ്യോഗിക ആനുകൂല്യങ്ങൾക്കായി സമർപ്പിച്ച അപേക്ഷകളിൽ അനുകൂലമായ തീരുമാനമുണ്ടാകും. വ്യാപാര-ബിസിനസ്സ് രംഗത്ത് ശ്രദ്ധേയമായ പുരോഗതിയും നിയമപരമായ തർക്കങ്ങളിൽ വിജയവും കൈവരിക്കാൻ സാധിക്കും.
ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം): കുടുംബാംഗങ്ങളുമായി, പ്രത്യേകിച്ച് പങ്കാളിയോടും മക്കളോടും സംസാരിക്കുമ്പോൾ വിട്ടുവീഴ്ചാ മനോഭാവം സ്വീകരിക്കുക; അനാവശ്യ വാദപ്രതിവാദങ്ങൾ ഒഴിവാക്കുന്നത് ദാമ്പത്യത്തിൽ സമാധാനം നൽകും. പ്രവർത്തനങ്ങളിൽ ചെറിയ തടസ്സങ്ങൾ നേരിട്ടേക്കാമെന്നതിനാൽ പക്വതയോടെ കൈകാര്യം ചെയ്യുക. കണ്ണുകൾക്കോ ആരോഗ്യത്തിനോ ചെറിയ അസ്വസ്ഥതകൾ ഉണ്ടാകാതെ നോക്കണം. സാമ്പത്തിക ഇടപാടുകളിൽ ജാഗ്രത വേണം.
മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം): ഭവനത്തിൽ വിവാഹാദി മംഗളകരമായ ചടങ്ങുകൾ നടക്കാനോ തീരുമാനിക്കാനോ സാഹചര്യമൊരുങ്ങുന്ന സുപ്രധാന ദിവസമാണിത്. ദാമ്പത്യ ജീവിതത്തിൽ മികച്ച ഐക്യവും സ്നേഹവും അനുഭവപ്പെടും. മുൻകാല രോഗങ്ങളിൽ നിന്ന് രോഗശാന്തി ലഭിക്കുന്നതോടൊപ്പം ശാരീരികക്ഷമത കൈവരും. വാഹന ഭാഗ്യവും വിശിഷ്ട ഭോജനത്തിനുള്ള അവസരവും നിങ്ങളെ തേടിയെത്തും.
കർക്കിടകം രാശി (പുണർതം അവസാന കാൽഭാഗം, പൂയം, ആയില്യം): കുടുംബാംഗങ്ങളിൽ നിന്നും പ്രിയപ്പെട്ട ബന്ധുക്കളിൽ നിന്നും പൂർണ്ണമായ സഹായസഹകരണങ്ങളും സ്നേഹവും ലഭിക്കുന്ന സന്തോഷകരമായ ദിവസമാണിത്. ഭവനത്തിലെയും കുടുംബത്തിലെയും സുപ്രധാനമായ കാര്യങ്ങളിൽ നേതൃപരമായ പങ്ക് വഹിക്കാൻ നിങ്ങൾക്ക് അവസരം ലഭിക്കും. ഇത് മനസ്സിന് വലിയ സമാധാനവും സംതൃപ്തിയും നൽകും.
ചിങ്ങം രാശി (മകം, പൂരം, ഉത്രം ആദ്യ കാൽഭാഗം): വ്യക്തിബന്ധങ്ങളിലും സാമൂഹിക ഇടപെടലുകളിലും ഇന്ന് അതീവ വിവേകവും മാന്യതയും പുലർത്തുക. സൗഹൃദങ്ങൾ തിരഞ്ഞെടുക്കുമ്പോൾ ശ്രദ്ധിക്കുക; അനാവശ്യമായ കൂട്ടുകെട്ടുകൾ ധനനഷ്ടത്തിന് കാരണമാകാതെ നോക്കണം. ഔദ്യോഗിക രംഗത്ത് ജോലിഭാരം അല്പം വർദ്ധിക്കാൻ സാധ്യതയുള്ളതിനാൽ കൃത്യമായ ആസൂത്രണത്തോടെ ജോലികൾ ചെയ്യുക.
കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം): ബന്ധുക്കളുമായി ആശയവിനിമയം നടത്തുമ്പോൾ തർക്കങ്ങൾ ഒഴിവാക്കാൻ ക്ഷമയും സംയമനവും പാലിക്കുക. വരവിനേക്കാൾ കൂടുതൽ ആഡംബരങ്ങൾക്കായി പണം ചെലവഴിക്കുന്നത് സാമ്പത്തിക ഞെരുക്കത്തിന് കാരണമായേക്കാമെന്നതിനാൽ ചെലവുകളിൽ നിയന്ത്രണം വേണം. അനാവശ്യമായ ചിന്തകളോ അലച്ചിലുകളോ ഒഴിവാക്കി ആത്മവിശ്വാസം നിലനിർത്താൻ ശ്രമിക്കുക.
തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം): ദീർഘനാളായി ഉദ്യോഗത്തിനായി പരിശ്രമിക്കുന്നവർക്ക് തങ്ങളുടെ യോഗ്യതയ്ക്കനുസരിച്ചുള്ള നല്ല തൊഴിലവസരങ്ങൾ ലഭിക്കാനും അതിൽ മികച്ച വിജയം കൈവരിക്കാനും സാധിക്കുന്ന ശുഭദിനമാണിത്. ദാമ്പത്യ ജീവിതത്തിൽ പരസ്പര വിശ്വാസവും ഐക്യവും വർദ്ധിക്കും. സർക്കാർ മേഖലയുമായി ബന്ധപ്പെട്ട് പ്രവർത്തിക്കുന്നവർക്ക് ജോലിയിൽ പുരോഗതിയും ആനുകൂല്യങ്ങളും പ്രതീക്ഷിക്കാം.
വൃശ്ചികം രാശി (വിശ്ചാഖം അവസാന കാൽഭാഗം, അനിഴം, തൃക്കേട്ട): കുടുംബാംഗങ്ങളോടൊപ്പം പുണ്യസ്ഥലങ്ങളോ തീർത്ഥാടന കേന്ദ്രങ്ങളോ സന്ദർശിക്കാൻ അനുകൂലമായ സാഹചര്യമൊരുങ്ങും. വ്യാപാര-ബിസിനസ്സ് രംഗത്ത് പ്രവർത്തിക്കുന്നവർക്ക് ശ്രദ്ധേയമായ പുരോഗതിയും വളർച്ചയും ദൃശ്യമാകും. വിദേശ വ്യാപാരവുമായി ബന്ധപ്പെട്ട് പ്രവർത്തിക്കുന്നവർക്ക് മികച്ച സാമ്പത്തിക ലാഭം കൊയ്യാൻ സാധിക്കുന്ന ദിവസമാണിത്.
ധനു രാശി (മൂലം, പൂരാടം, ഉത്രാടം ആദ്യ കാൽഭാഗം): അമിതമായ ദേഷ്യവും ധൃതിയും നിയന്ത്രിക്കേണ്ടത് ഈ ദിവസം അനിവാര്യമാണ്; അല്ലാത്തപക്ഷം ചില നല്ല അവസരങ്ങൾ നഷ്ടപ്പെടാൻ ഇടയാകും. സംസാരത്തിൽ മിതത്വം പാലിക്കുന്നത് അനാവശ്യ തർക്കങ്ങളിൽ നിന്നും മാനഹാനിയിൽ നിന്നും നിങ്ങളെ സംരക്ഷിക്കും. പങ്കാളിയുടെയോ ബന്ധുക്കളുടെയോ കാര്യങ്ങളിൽ ക്ഷമയോടെയുള്ള സമീപനം സ്വീകരിക്കുക. ആരോഗ്യത്തിൽ ശ്രദ്ധ വേണം.
മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം): ഗ്രഹങ്ങളുടെ അനുകൂല സ്ഥിതി മൂലം ജീവിതത്തിൽ ചില നല്ല കാര്യങ്ങൾ ചെയ്യാനും പുരോഗതി കൈവരിക്കാനും അവസരങ്ങൾ ഒത്തുവരും. ലഹരി പദാർത്ഥങ്ങൾ പോലുള്ള മോശം ശീലങ്ങളിൽ നിന്ന് അകന്നു നിൽക്കാൻ പ്രത്യേകം ശ്രദ്ധിക്കുക. ഭൂമി സംബന്ധമായോ കുടുംബസ്വത്ത് സംബന്ധമായോ ഉള്ള ഇടപാടുകൾ പക്വതയോടെ കൈകാര്യം ചെയ്യുക.
കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം): ഇന്ന് നിങ്ങൾക്ക് സർവ്വകാര്യ വിജയത്തിന്റേതായ ഒരു മികച്ച ശുഭദിനമാണ്. കുടുംബത്തിൽ സന്തോഷവും സാമ്പത്തിക ലാഭവും കൈവരും. ശത്രുക്കളുടെ നീക്കങ്ങൾ പരാജയപ്പെടുകയും കോടതി കാര്യങ്ങളിലും നിയമപരമായ തർക്കങ്ങളിലും വിജയം പ്രതീക്ഷിക്കുകയും ചെയ്യാം. പുതിയ വീടോ ഭൂമിയോ സ്വന്തമാക്കാനുള്ള വഴി തെളിയും; അപ്രതീക്ഷിത സ്ഥാനമാനങ്ങൾ നിങ്ങളെ തേടിയെത്തും.
മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി): മുൻകാല ശാരീരിക അസ്വസ്ഥതകൾ ഉള്ളവർ ആരോഗ്യകാര്യത്തിൽ ചെറിയ ജാഗ്രത പുലർത്തുക; കൃത്യമായ പരിചരണത്തിലൂടെ രോഗങ്ങൾ ഭേദമായി ആരോഗ്യനില മെച്ചപ്പെടും. ദീർഘനാളായി അകൽച്ചയിലായിരുന്ന കുടുംബാംഗങ്ങൾ പിണക്കങ്ങൾ മാറി പുനഃസമാഗമത്തിന് ശ്രമിക്കുന്നത് സന്തോഷം നൽകും. ജോലിസ്ഥലത്തെ വെല്ലുവിളികളെ ശാന്തതയോടെയും പക്വതയോടെയും നേരിടുക.
ജയറാണി ഈ വി.
Contact: +919746812212
(രണ്ട് പതിറ്റാണ്ടിലേറെയുള്ള പ്രവൃത്തിപരിചയവും പാരമ്പര്യ ജ്യോതിഷ പശ്ചാത്തലവുമുള്ള വിദഗ്ദ്ധ. ജ്യോതിഷം, വാസ്തു, സംഖ്യാശാസ്ത്രം തുടങ്ങിയ വിഷയങ്ങളിൽ ആധികാരികമായ മാർഗ്ഗനിർദ്ദേശങ്ങൾ നൽകുന്നു.)
No Comment.