മേടം രാശി (അശ്വതി, ഭരണി, കാർത്തിക ആദ്യ കാൽഭാഗം): ഭ്രാതൃസഹായം പൂർണ്ണമായും അനുഭവത്തിൽ വരും. ദേവാലയ ദർശനത്തിനും ഉത്സവാഘോഷങ്ങളിൽ പങ്കുചേരാനും യോഗം കാണുന്നു. സാമ്പത്തിക ക്ലേശങ്ങൾക്ക് പരിഹാരമുണ്ടാകുകയും വ്യവഹാരങ്ങളിൽ തികഞ്ഞ അനുകൂല വിധി സമ്പാദിക്കുകയും ചെയ്യും.
ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം): നിസ്സാര കാര്യങ്ങൾക്ക് പോലും അത്യദ്ധ്വാനം വേണ്ടിവരുന്നതിനാൽ കർമ്മരംഗത്ത് ക്ഷമ അനിവാര്യമാണ്. വൈദേശിക വാസത്തിന് ശ്രമിക്കുന്നവർക്ക് അനുകൂലമായ രാജകീയ അനുമതികൾ സിദ്ധിക്കും. അനാരോഗ്യം അവഗണിക്കാതെ കൃത്യമായ വൈദ്യസഹായം തേടേണ്ടതാണ്.
മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം): പഴയകാല സഖാക്കളുമായുള്ള സമാഗമം മനസ്സിന് ആനന്ദം പകരും. മാനസിക സുഖം, മിഷ്ടാന്ന ഭോജനം എന്നിവ ഫലം. നവീന വസ്ത്രാദികളും സുവർണ്ണാഭരണങ്ങളും ഗൃഹത്തിൽ വന്നുചേരാൻ അനുകൂലമായ ഗ്രഹസ്ഥിതിയാണ്.
കർക്കിടകം രാശി (പുണർതം അവസാന കാൽഭാഗം, പൂയം, ആയില്യം): ഗൃഹത്തിൽ വസ്തുതർക്കങ്ങൾക്ക് യോഗമുള്ളതിനാൽ സംസാരത്തിൽ തികഞ്ഞ സംയമനം പാലിക്കുക. വ്യവഹാരങ്ങളിൽ വഞ്ചിക്കപ്പെടാതെ നോക്കണം. ചന്ദ്രന്റെ പ്രതികൂല സ്വാധീനം ഉദരവ്യാധികൾക്കും ദഹനക്കുറവിനും കാരണമാകുമെന്നതിനാൽ ലഘുഭക്ഷണം മാത്രം ശീലിക്കുക.
ചിങ്ങം രാശി (മകം, പൂരം, ഉത്രം ആദ്യ കാൽഭാഗം): മാനസിക വ്യഥകളിൽ നിന്നും ക്ലേശങ്ങളിൽ നിന്നും സമ്പൂർണ്ണ മോചനം ലഭിക്കും. വിനോദയാത്രകൾക്കും ഉല്ലാസങ്ങൾക്കും അവസരമൊരുങ്ങും. കർമ്മരംഗത്തെ മികച്ച പ്രകടനത്തിന് അംഗീകാരങ്ങളും ഉപഹാരങ്ങളും തേടിയെത്താൻ സാധ്യതയുണ്ട്.
കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം): സർവ്വകാര്യ വിജയവും അപ്രതീക്ഷിത ഉപഹാര ലബ്ധിയും ഫലം. സന്താനങ്ങളുടെ ശ്രേയസ്സ് മാതാപിതാക്കൾക്ക് ചാരിതാർത്ഥ്യം നൽകും. സമൂഹത്തിൽ യശസ്സും ഉന്നത പദവികളും അലങ്കരിക്കാനും വ്യവഹാരങ്ങളിൽ ശത്രുക്ഷയം വരുത്താനും സാധിക്കും.
തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം): ഗൃഹഛിദ്രം ഉണ്ടാകാതെ നയതന്ത്രം ശീലിക്കുക. ദുർജ്ജന സംസർഗ്ഗവും അന്യബന്ധങ്ങളും അപകീർത്തിക്കും അർത്ഥനാശത്തിനും വഴിവെക്കും. ഉഷ്ണവ്യാധികൾ പിടിപെടാൻ സാധ്യതയുള്ളതിനാൽ ശാരീരിക താപനില നിയന്ത്രിക്കാൻ ശ്രദ്ധിക്കണം.
വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട): കുടുംബാംഗങ്ങളുമായി ചെറിയ വാഗ്വാദങ്ങൾക്ക് സാധ്യത കാണുന്നു. ഭക്തി വർദ്ധിക്കുന്നത് മാനസിക ക്ലേശങ്ങൾക്ക് ശമനം നൽകും. ധനാഗമനത്തേക്കാൾ വ്യയം വർദ്ധിക്കുന്ന സമയമാണ്. പുണ്യതീർത്ഥാടനങ്ങൾക്ക് യോഗമുണ്ട്.
ധനു രാശി (മൂലം, പൂരാടം, ഉത്രാടം ആദ്യ കാൽഭാഗം): ബന്ധുജന സമാഗമം മനസ്സിന് കുളിർമയേകും. നിദ്രാസൗഖ്യവും സമാധാനവും പൂർണ്ണമായി സിദ്ധിക്കും. അനുരാഗ വിഷയങ്ങളിൽ അനുകൂല തീരുമാനങ്ങൾ ഉദയം ചെയ്യും. ദേവാലയ ദർശനത്തിനും പുണ്യസ്ഥല സന്ദർശനത്തിനും അവസരം ലഭിക്കും.
മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം): കർമ്മരംഗത്ത് അത്യുജ്ജ്വല വിജയം കരസ്ഥമാക്കാൻ സാധിക്കും. സമൂഹത്തിൽ കീർത്തിയും ജനസമ്മതിയും വർദ്ധിക്കും. നൂതന ആഭരണ-വസ്ത്രാദികൾ സ്വന്തമാക്കും. ഭരണകൂടത്തിൽ നിന്നും തികച്ചും അനുകൂലമായ തീരുമാനങ്ങളും ധനലാഭവും പ്രതീക്ഷിക്കാം.
കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം): കാർഷിക മേഖലയിൽ പ്രവർത്തിക്കുന്നവർക്ക് അപ്രതീക്ഷിത വിഘ്നങ്ങൾക്കും നഷ്ടങ്ങൾക്കും യോഗമുള്ളതിനാൽ ജാഗ്രത വേണം. കർമ്മക്ലേശങ്ങളും മാനസിക വ്യഥകളും അലട്ടാൻ സാധ്യത കാണുന്നു.
മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി): കോപ നിയന്ത്രണം സാധ്യമായില്ലെങ്കിൽ വലിയ മാനഹാനിക്കും ശത്രുതയ്ക്കും അത് വഴിവെക്കും. യാത്രാക്ലേശങ്ങൾക്കും ധനനഷ്ടത്തിനും സാധ്യതയുള്ളതിനാൽ യാത്രകൾ വെട്ടിച്ചുരുക്കുക. ദേഹോപദ്രവങ്ങൾക്കും മുറിവുകൾക്കും യോഗമുള്ളതിനാൽ അതീവ സൂക്ഷ്മത അനിവാര്യമാണ്.
ജയറാണി ഈ വി.
Contact: +919746812212
(രണ്ട് പതിറ്റാണ്ടിലേറെയുള്ള പ്രവൃത്തിപരിചയവും പാരമ്പര്യ ജ്യോതിഷ പശ്ചാത്തലവുമുള്ള വിദഗ്ദ്ധ. ജ്യോതിഷം, വാസ്തു, സംഖ്യാശാസ്ത്രം തുടങ്ങിയ വിഷയങ്ങളിൽ ആധികാരികമായ മാർഗ്ഗനിർദ്ദേശങ്ങൾ നൽകുന്നു.)
No Comment.