മേടം രാശി: (അശ്വതി, ഭരണി, കാർത്തിക ആദ്യ കാൽഭാഗം) മനഃശാന്തിയും ആശ്വാസവും പ്രദാനം ചെയ്യുന്ന അനുഭവങ്ങൾ ഉണ്ടാകും. മുടങ്ങിക്കിടന്ന കർമ്മങ്ങൾ വേഗത്തിൽ പൂർത്തിയാകും. ദൂരയാത്രാഫലങ്ങൾ അനുകൂലമാകാനും കുടുംബസമേതം സുപ്രധാന തീരുമാനങ്ങൾ കൈക്കൊള്ളാനും ശനിഗ്രഹാനുകൂല്യം തുണയ്ക്കും.
ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം) കാര്യതടസ്സങ്ങളും മന്ദതയും ക്ഷമയോടെ തരണം ചെയ്യേണ്ട സമയമാണ്. കർമ്മരംഗത്ത് വാക്വാദങ്ങൾ ഒഴിവാക്കി ഏകാഗ്രത പുലർത്തുക. ആഹാരനിഷ്ഠയും ദിനചര്യയിലെ കൃത്യതയും കാത്തുസൂക്ഷിക്കുന്നത് ആരോഗ്യസൗഖ്യം തരും.
മിഥുനം രാശി: (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം) കളത്രസ്ഥാനം ശുഭകരമായി നിലകൊള്ളുന്നതിനാൽ ദാമ്പത്യത്തിൽ സ്നേഹവും ഐക്യവും വർദ്ധിക്കും. കൂട്ടുകച്ചവടത്തിൽ ലക്ഷ്മീകടാക്ഷം ഉണ്ടാകും. ജനസമ്മതിയും സന്മിത്രങ്ങളുടെ പിന്തുണയും വഴി അഭീഷ്ടസിദ്ധി കൈവരും.
കർക്കിടകം രാശി: (പുണർതം അവസാന കാൽഭാഗം, പൂയം, ആയില്യം) ശത്രുദോഷങ്ങളും സാമ്പത്തിക ബാധ്യതകളും അകന്ന് കർമ്മവിജയം ഉണ്ടാകും. അഭിമുഖങ്ങളിലും മത്സരങ്ങളിലും വിജയം വരിക്കും. ആരോഗ്യസ്ഥിതി മെച്ചപ്പെടാനും ആന്തരിക ഉന്മേഷം നിലനിൽക്കാനും ഈശ്വരാധീനം തുണയ്ക്കും.
ചിങ്ങം രാശി: (മകം, പൂരം, ഉത്രം ആദ്യ കാൽഭാഗം) സന്താനസ്ഥാനത്ത് ശ്രദ്ധയും കരുതലും നൽകേണ്ട ദിനമാണ്. സാമ്പത്തിക തീരുമാനങ്ങളിൽ വിവേകം പുലർത്തുന്നത് ഗ്രഹദോഷങ്ങൾ തടയും. സർഗ്ഗാത്മക കർമ്മങ്ങളിൽ ഏർപ്പെടുന്നത് വഴി ശ്രേയസ്സും കീർത്തിയും സിദ്ധിക്കും.
കന്നി രാശി: (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം) ഗൃഹസ്ഥാനത്തും വാഹന കാര്യങ്ങളിലും ധനവ്യയം കാണുന്നു. കുടുംബസമാധാനത്തിനായി വിട്ടുവീഴ്ചകൾ സ്വീകരിക്കുക. സഹപ്രവർത്തകരുമായി സൗഹാർദ്ദം പുലർത്തുന്നതും ബന്ധുജന സമ്പർക്കവും മനസ്സിന് സന്തോഷം നൽകും.
തുലാം രാശി: (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം) ധൈര്യസ്ഥാനം ബലപ്പെട്ടു നിൽക്കുന്നതിനാൽ പ്രയത്നങ്ങൾ പൂർണ്ണ വിജയത്തിലെത്തും. സഹോദരജനങ്ങളുടെയും വിശ്വസ്ത മിത്രങ്ങളുടെയും സഹായം ലഭിക്കും. വാണിജ്യ യാത്രകളും നൂതന ചിന്തകളും ഫലപ്രാപ്തി നൽകും.
വൃശ്ചികം രാശി: (വിശാഖം അവസാന കാൽഭാഗം, അനിഴം, തൃക്കേട്ട) ധനസ്ഥാനത്ത് വർദ്ധനവുണ്ടാകുമെങ്കിലും വ്യയനിയന്ത്രണം ആവശ്യമാണ്. വാക്സ്ഥാനത്ത് വിനയം പാലിക്കുന്നത് തർക്കങ്ങൾ ഇല്ലാതാക്കും. കുടുംബത്തിൽ മംഗളകർമ്മങ്ങൾ നടക്കാനും പുതിയ ധനാഗമങ്ങൾക്കും യോഗമുണ്ട്.
ധനു രാശി: (മൂലം, പൂരാടം, ഉത്രാടം ആദ്യ കാൽഭാഗം) ലഗ്നബലവും ആത്മീയ ശാന്തിയും നിലനിൽക്കുന്ന ദിനമാണ്. പ്രൊഫഷണൽ രംഗത്ത് കാര്യശേഷി വർദ്ധിക്കും. ദീർഘകാല അഭിലാഷങ്ങൾക്ക് തുടക്കം കുറിക്കാനും സമൂഹത്തിൽ ആദരവ് നേടാനും സാധിക്കും.
മകരം രാശി: (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം) വ്യയസ്ഥാനത്ത് അനാവശ്യ ചെലവുകൾ വരാൻ ഇടയുള്ളതിനാൽ സാമ്പത്തിക ആസൂത്രണം വേണം. ദൂരയാത്രകളിലും നിദ്രാഭംഗത്തിലും നിയന്ത്രണം പാലിക്കുക. മുതിർന്നവരുടെ ഉപദേശം തേടുന്നത് ഉത്തമമാണ്.
കുംഭം രാശി: (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം) ലാഭസ്ഥാനത്ത് ഗ്രഹങ്ങൾ അനുകൂലമായതിനാൽ സാമ്പത്തിക സമൃദ്ധി അനുഭവപ്പെടും. പൂർവ്വ പരിശ്രമങ്ങൾക്ക് തക്കതായ അംഗീകാരം ലഭിക്കും. പുതിയ കരാറുകൾ ഒപ്പുവെക്കാനും ശുഭവാർത്തകൾ എത്താനും സാഹചര്യമൊരുങ്ങും.
മീനം രാശി: (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി) കർമ്മസ്ഥാനത്ത് അധികാരലബ്ധിക്കും സ്ഥാനമാനങ്ങൾക്കും ശക്തമായ യോഗമുണ്ട്. ഉന്നതാധികാരികളുടെ പ്രീതി നേടും. വ്യാപാര വിപുലീകരണത്തിന് പുതിയ അവസരങ്ങൾ ലഭിക്കുകയും പ്രശസ്തി വർദ്ധിക്കുകയും ചെയ്യും.
ജയറാണി ഈ വി.
Contact: +919746812212
(രണ്ട് പതിറ്റാണ്ടിലേറെയുള്ള പ്രവൃത്തിപരിചയവും പാരമ്പര്യ ജ്യോതിഷ പശ്ചാത്തലവുമുള്ള വിദഗ്ദ്ധ. ജ്യോതിഷം, വാസ്തു, സംഖ്യാശാസ്ത്രം തുടങ്ങിയ വിഷയങ്ങളിൽ ആധികാരികമായ മാർഗ്ഗനിർദ്ദേശങ്ങൾ നൽകുന്നു.)
No Comment.