കരിയറിലെ സുരക്ഷിതമായ ജോലി ഉപേക്ഷിച്ച് കൃഷി ലോകത്തേക്ക് കടന്നുവന്ന് പുതിയ മാതൃക തീർക്കുകയാണ് കാസർകോട് മഞ്ചേശ്വരം സ്വദേശിയായ മനീഷ്. ഇലക്ട്രോണിക്സ് എൻജിനീയറിങ് ബിരുദധാരിയായ മനീഷ്, പ്രകൃതിയോട് ഇണങ്ങിനിന്ന് വലിയ രീതിയിൽ വിജയം കൊയ്യാവുന്ന കുരുമുളക് കൃഷിയിലും നഴ്സറി നടത്തിപ്പിലുമാണ് ഇപ്പോൾ ശ്രദ്ധ കേന്ദ്രീകരിച്ചിരിക്കുന്നത്. കർണാടക ബോർഡറോടു ചേർന്നുള്ള കാട്ടുകുക്കെയിൽ സ്വന്തമായുള്ള 15 ഏക്കറോകരിയറിലെ സുരക്ഷിതമായ ജോലി ഉപേക്ഷിച്ച് കൃഷി ലോകത്തേക്ക് കടന്നുവന്ന് പുതിയ മാതൃക തീർക്കുകയാണ് കാസർകോട് മഞ്ചേശ്വരം സ്വദേശിയായ മനീഷ്.ളം വരുന്ന സ്ഥലത്താണ് ഇദ്ദേഹം കൃഷി വ്യാപിപ്പിച്ചിരിക്കുന്നത്.
കവുങ്ങ്, തെങ്ങ്, റബ്ബർ, കൊക്കോ, വാഴ തുടങ്ങിയ വിവിധ കൃഷികൾക്ക് പുറമേയാണ് ‘പൈപ്പരൻ’ എന്ന ബ്രാൻഡിൽ കുരുമുളക് നഴ്സറി സംരംഭത്തിന് മനീഷ് തുടക്കം കുറിച്ചിരിക്കുന്നത്. ഐ.എസ്.ആർ. ചന്ദ്ര, പണിയൂർ ഉൾപ്പെടെയുള്ള മികച്ചതും അപൂർവ്വവുമായ എട്ടോളം കുരുമുളക് ഇനങ്ങളാണ് ഇവിടെ പ്രധാനമായും ഉത്പാദിപ്പിക്കുന്നത്. പ്രതിവർഷം നാല് ലക്ഷത്തോളം കുരുമുളക് തൈകൾ ഉത്പാദിപ്പിക്കുക എന്ന ലക്ഷ്യത്തോടെയാണ് ഈ നഴ്സറി പ്രവർത്തിക്കുന്നത്. ദക്ഷിണേന്ത്യയിലെ വിവിധ ഭാഗങ്ങളിലേക്ക് ഇവിടുന്ന് തൈകൾ വിതരണം ചെയ്യുന്നുണ്ട്.
ഐ.എസ്.ആർ. റിട്ടയേർഡ് റീജിയണൽ ഹെഡ് ആയ വേണുഗോപാലിന്റെ മാർഗ്ഗനിർദ്ദേശങ്ങളും പിന്തുണയുമാണ് ഈ സംരംഭത്തിന്റെ വിജയത്തിന് പിന്നിലുള്ള പ്രധാന കരുത്ത്. വൈറസ് മുക്തമായ ആരോഗ്യകരമായ തൈകൾ ശാസ്ത്രീയമായ രീതിയിൽ ഉത്പാദിപ്പിച്ച് കർഷകരിലേക്ക് എത്തിക്കാനാണ് ഇവർ ലക്ഷ്യമിടുന്നത്. യൂട്യൂബിൽ കണ്ട് മാത്രം കൃഷിയിലേക്ക് ഇറങ്ങാതെ കൃത്യമായ അറിവും വ്യക്തതയും നേടി വേണം യുവതലമുറ കൃഷിയിലേക്ക് കടന്നുവരാൻ എന്ന് മനീഷ് ഓർമ്മിപ്പിക്കുന്നു. കൃഷിയിൽ നിന്ന് വർഷം ലക്ഷങ്ങൾ വരുമാനം നേടാൻ കഴിയുമെന്നും പ്രകൃതിയോട് ഇണങ്ങിയുള്ള കൃഷിരീതികളാണ് വിജയം നൽകുന്നതെന്നും ഈ യുവ എൻജിനീയർ തെളിയിക്കുന്നു.
No Comment.