കാസർഗോഡ് പാണ്ടി ബളവന്തടുക്ക ചള്ളത്തുങ്കാലിൽ ബൈക്ക് യാത്രയ്ക്കിടെ മിന്നലേറ്റ് യുവാവ് മരിച്ചു. കുണ്ടാർ ഉയിത്തടുക്കയിലെ നൗഫൽ (32) ആണ് മരിച്ചത്. ചൊവ്വാഴ്ച രാത്രി എട്ടുമണിയോടെയാണ് സംഭവം നടന്നത്.
ഭാര്യാവീട്ടിൽ പോയി സ്വന്തം വീട്ടിലേക്ക് ബൈക്കിൽ തിരികെ മടങ്ങുന്നതിനിടെയാണ് നൗഫലിന് ശക്തമായ മിന്നലേറ്റത്. അപകടം നടന്നയുടൻ തന്നെ നാട്ടുകാർ നൗഫലിനെ മുള്ളേരിയ സഹകരണ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. തിരുവനന്തപുരത്തെ ജ്യൂസ് കടയിലെ ജീവനക്കാരനാണ് മരണപ്പെട്ട നൗഫൽ. ചൊവ്വാഴ്ച വൈകുന്നേരം മുതൽ കാസർകോട് മലയോര മേഖലയിൽ ശക്തമായ മഴയോടൊപ്പം വലിയ തോതിൽ ഇടിമിന്നലും ഉണ്ടായിരുന്നു. മാതാവ്: നബീസ. ഭാര്യ: സുഹ്റ. രണ്ട് കുട്ടികളുണ്ട്. സഹോദരൻ: അബ്‌ദുൽ ഖാദർ.
No Comment.