ഒമാനിലെ സിനാവിലുണ്ടായ വാഹനാപകടത്തിൽ കോഴിക്കോട് സ്വദേശിയായ 14 കാരി അലേനയുടെ ദാരുണ വിയോഗം തീരാത്ത വേദനയായി മാറുന്നു. ഇബ്ര ഇന്ത്യൻ സ്കൂളിലെ ഒൻപതാം ക്ലാസ് വിദ്യാർഥിനിയായ അലേന, ഒമാനിൽ മാതാപിതാക്കൾക്കൊപ്പം കഴിയുകയായിരുന്നു.
മകളെ ഡോക്ടറെ കാണിക്കാനായി ആശുപത്രിയിലേക്ക് കൂട്ടിക്കൊണ്ടുപോകുന്നതിനിടെയാണ് വിധി ഇവർ സഞ്ചരിച്ച കാറിനെ തേടിയെത്തിയത്. ഈ ദുരന്തത്തിൽ പരിക്കേറ്റ മാതാപിതാക്കളായ സിജുവും മോളിയും ഇബ്ര ആശുപത്രിയിൽ ചികിത്സയിലാണ്. ഒരൊറ്റ നിമിഷംകൊണ്ട് ഒരു കുടുംബത്തിന്റെ സ്വപ്നങ്ങളും കൂട്ടുകാരുടെ പ്രിയപ്പെട്ട കൂട്ടുകാരിയുടെ ഓർമ്മകളും മാത്രമായി ബാക്കിയാക്കിയ ഈ വേർപാട്, പ്രവാസലോകത്തെയും ഇബ്ര ഇന്ത്യൻ സ്കൂളിനെയും ഒരുപോലെ കണ്ണീരിലാഴ്ത്തിയിരിക്കുകയാണ്.
No Comment.