സംസ്ഥാനത്ത് കാലവര്ഷം ശക്തിയാര്ജ്ജിച്ചതോടെ ജാഗ്രതാ നിര്ദ്ദേശവുമായി കേന്ദ്രകാലാവസ്ഥാ വകുപ്പ്. അടുത്ത 2 ദിവസം വ്യാപകമായ മഴക്കും ഒറ്റപ്പെട്ട സ്ഥലങ്ങളില് ശക്തമായ/ അതി ശക്തമായ മഴക്കും സാധ്യതയുണ്ട്. പത്തനംതിട്ട മുതല് കാസര്കോട് വരെ 12 ജില്ലകളില് ഇന്ന് ഓറഞ്ച് അലര്ട്ട് പ്രഖ്യാപിച്ചു. തിരുവനന്തപുരം, കൊല്ലം ജില്ലകളില് യെല്ലോ അലര്ട്ടാണ്. കേരളാ തീരത്ത് ഉയര്ന്ന തിരമാലയ്ക്കും കടലാക്രമണത്തിനും സാധ്യതയുള്ളതിനാല് മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണം.
ഭാഗം നിലവില് അതിന്റെ സാധാരണ സ്ഥാനത്തും മണ്സൂണ് പാത്തിയുടെ കിഴക്കന് ഭാഗം അതിന്റെ സാധാരണ സ്ഥാനത്തത് നിന്നും തെക്കോട്ടു മാറിയുമാണ് സ്ഥിതി ചെയ്യുന്നത്. ഗുജറാത്ത് തീരം മുതല് കേരള തീരം വരെ തീരദേശ ന്യുനമര്ദ്ദ പാത്തി നിലനില്ക്കുന്നു. ബംഗാള് ഉള്ക്കടലിലെ ചക്രവാതചുഴി നിലവില് മധ്യ -പടിഞ്ഞാറന് ബംഗാള് ഉള്ക്കടലില് വടക്കന് ആന്ധ്രാപ്രാദേശിന് സമീപത്തായി തുടരുന്നു. രണ്ട് ദിവസത്തിന് ശേഷം മഴയുടെ തീവ്രത കുറയാനും സാധ്യതയുണ്ട്.
ഉയര്ന്ന തിരമാല ജാഗ്രത നിര്ദേശം
കേരള തീരത്ത് (വിഴിഞ്ഞം മുതല് കാസര്ഗോഡ് വരെ) 05.07.2023 രാത്രി 11.30 വരെ 3.5 മുതല് 3.7 മീറ്റര് വരെ ഉയര്ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്നും ആയതിന്റെ വേഗത സെക്കന്ഡില് 50 cm നും 65 cm നും ഇടയില് മാറി വരുവാന് സാധ്യതയുണ്ടെന്നും ദേശീയ സമുദ്രസ്ഥിതിപഠന ഗവേഷണ കേന്ദ്രം (INCOIS) അറിയിച്ചു.
തെക്കന് തമിഴ്നാട് തീരത്ത് 05.07.2023ന് രാത്രി 11.30 വരെ 3.0 മുതല് 3.4 മീറ്റര് വരെ ഉയര്ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്നും ആയതിന്റെ വേഗത സെക്കന്ഡില് 05 cm നും 55 cm നും ഇടയില് മാറി വരുവാന് സാധ്യതയുണ്ടെന്നും ദേശീയ സമുദ്രസ്ഥിതിപഠന ഗവേഷണ കേന്ദ്രം (INCOIS) അറിയിച്ചു.
- കടല്ക്ഷോഭം രൂക്ഷമാകാന് സാധ്യതയുള്ളതിനാല് അപകട മേഖലകളില് നിന്ന് അധികൃതരുടെ നിര്ദേശാനുസരണം മാറി താമസിക്കണം.
- മല്സ്യബന്ധന യാനങ്ങള് (ബോട്ട്, വള്ളം, മുതലായവ) ഹാര്ബറില് സുരക്ഷിതമായി കെട്ടിയിട്ട് സൂക്ഷിക്കുക. വള്ളങ്ങള് തമ്മില് സുരക്ഷിത അകലം പാലിക്കുന്നത് കൂട്ടിയിടിച്ചുള്ള അപകട സാധ്യത ഒഴിവാക്കാം. മല്സ്യബന്ധന ഉപകരണങ്ങളുടെ സുരക്ഷ ഉറപ്പാക്കണം.
- ബീച്ചിലേക്കുള്ള യാത്രകളും കടലില് ഇറങ്ങിയുള്ള വിനോദങ്ങളും പൂര്ണ്ണമായും ഒഴിവാക്കുക.
No Comment.