യു.കെയില്‍ മലയാളി നഴ്‌സിന് രോഗിയുടെ കുത്തേറ്റു; ഗുരുതര പരിക്ക്
ലണ്ടന്‍: യുകെയില്‍ ജോലി ചെയ്യുന്ന മലയാളി നഴ്‌സിന് രോഗിയുടെ കുത്തേറ്റു. മലയാളിയായ 57കാരി അച്ചാമ്മ ചെറിയാനാണ് ചികിത്സയിലുള്ളത്. ശനിയാഴ്ച രാത്രി മാഞ്ചസ്റ്ററിലെ റോയല്‍ ഓള്‍ഡ്ഹാം എന്‍.എച്ച്.എസ് ആശുപത്രിയിലായിരുന്നു സംഭവം.
രണ്ട് കുട്ടികളുടെ അമ്മയായ അച്ചാമ്മ ചെറിയാന്റെ പരിക്കുകള്‍ ഗുരുതരമാണെന്നും ചികിത്സ നല്‍കി വരികയാണെന്നും പൊലീസ് അറിയിച്ചിട്ടുണ്ട്. നഴ്‌സിനും അവരുടെ കുടുംബത്തിനും സഹപ്രവര്‍ത്തകര്‍ക്കും നിര്‍ണായക സമയത്ത് പിന്തുണ നല്‍കുന്നതിനാണ് മുന്‍ഗണന നല്‍കുന്നതെന്ന് സൂപ്രണ്ട് മാറ്റ് വാക്കറിനെ ഉദ്ധരിച്ച് ബിബിസി റിപ്പോര്‍ട്ട് ചെയ്തു.
നഴ്‌സിനെ കുത്തി പരിക്കേല്‍പ്പിച്ച റുമോണ്‍ ഹഖ് എന്ന 37കാരനെ സംഭവ സ്ഥലത്തു വെച്ചുതന്നെ പൊലീസ് അറസ്റ്റ് ചെയ്തു. രാത്രി 11.30ന് ആശുപത്രിയില്‍ ഏറെ തിരക്കുള്ള സമയത്ത് യുവാവിനെ പരിചരിക്കുന്നതിനിടെയായിരുന്നു ഇയാളുടെ ആക്രമണം.
No Comment.