ഒൻപതു കവിതകൾ

---

1,നിലാവ് പൂക്കുന്ന നേരം

---

നിലാവ് പൂക്കുന്ന നേരം,
പ്രണയം മാത്രമല്ല
പ്രതികാരവും വിടരും!

2,ഭ്രാന്തന്റെ വാക്കുകൾ

---

ഭ്രാന്തന്റെ വാക്കുകൾക്ക്
വിലയുണ്ടായിരുന്നേൽ
ലോകമാകെ
വസന്തമാകുമായിരുന്നു.

3,യാചകന്റെ വിശപ്പ്.

---

യാചകന്റെ വിശപ്പിന്
ചന്തം പോരാ, വെറുമൊരു
മൂന്നാം തരം തമാശയത്രെയത്..!

4,മയിൽ‌പ്പീലി

---

മയിൽപ്പീലി പറഞ്ഞതൊന്നും
മാരിവില്ലിൻ സുവർണ്ണ
കഥകളായിരുന്നില്ല..

5,പെണ്ണുടൽ

---

പൊന്നിൻ കസവുടുത്ത്
പെണ്ണിൻ മേനി കണ്ട്
ചുറ്റും കൂടി കാക്കകൾ..

6, തിരിച്ചറിവ്

---

താഴ്‌വാരം പൂമേത്ത
വിരിച്ചപ്പോൾ മാത്രമാണ്
വസന്തത്തെ അവൾ
തിരിച്ചറിഞ്ഞത്.

7,ഒടുവിൽ പറഞ്ഞത്

---

കണ്ണുകൾ നിറങ്ങളെ
വർണ്ണിച്ചു തുടങ്ങിയപ്പോൾ,
ഒന്നും പറയാതെ
ഒരു പരിഹാസച്ചിരി
തൂകി നിന്നിരുന്നു
കറുകറുത്തൊരു
കണ്ണടവെച്ചവൻ.

8, സ്വാതന്ത്ര്യം

---

വാനം മേലെ
തോണി തുഴഞ്ഞവൾ
ഇളം കാറ്റിനെയും
ഹൃദയത്തിലാക്കി

9, മറവി

---

മുന്നേ പോയ വസന്തങ്ങളെ
അറിയാതെ പോയതിൽ
അവൾക്കും ദുഃഖം
തോന്നിയിരുന്നു.

---

നിഥിൻകുമാർ ജെ പത്തനാപുരം
7994766150