നിറവെണ്ണിലാവേ…

ലളിതഗാനം

---

മനസ്സിൽ നിറയും വെണ്ണിലാവെ
എന്നിൽ കവിതയായ് വന്ന സ്നേഹമയീ…(2)
രാഗസുധാമയ
വസന്തമായെന്നിൽ നിറഞ്ഞു നിൽപ്പൂ… നീ..
നിറഞ്ഞുനിൽപ്പൂ…

(മനസ്സിൽ….)

ഹേമന്ദസന്ധ്യയിൽ
നീയെൻ മനസ്സിൽ
വർണ്ണപരാഗമായി
പാറിവന്നു… (2)
നിഴലും നിലാവുമായ്
ഒന്നിച്ചുചേരുംപോൽ
കാലമൊരുക്കിയ
പുണ്യമല്ലേ…? (2)

(മനസ്സിൽ….)

അറിയാതെ നീയെന്നിൽ
വന്നതാണെങ്കിലും
നിറകതിരൊളിയായ്
തെളിഞ്ഞുനിൽപ്പൂ…
സൗഗന്ധികമായ്
നിറഞ്ഞുനിൽപ്പൂ…

(മനസ്സിൽ…..)

സി. ജി. ഗിരിജൻ ആചാരി തോന്നല്ലൂർ