ഉരുള്‍പ്പൊട്ടലില്‍ തകര്‍ന്നുപോയ മുണ്ടക്കൈ ജിഎല്‍പി എസ്‌ മേപ്പാടി കമ്യൂണിറ്റി ഹാളില്‍ പ്രവര്‍ത്തനം തുടങ്ങും.ദുരിതാശ്വാസ ക്യാംപുകള്‍ പ്രവര്‍ത്തിച്ചിരുന്ന മേപ്പാടി ഹൈസ്‌കൂളില്‍ ഉള്‍പ്പെടെ ഇന്ന് ക്ലാസുകളാരംഭിക്കും.മേപ്പാടി ജിഎച്ച്എസ്എസിലാണ് വെള്ളാര്‍മല സ്‌കൂള്‍ ഒരുക്കുന്നത്.
വെള്ളാര്‍മല ജിവിഎച്ച്എസ്എസ്, മുണ്ടക്കൈ എല്‍പി സ്‌കൂള്‍ എന്നിവ പുനക്രമീകരിച്ചു. സെപ്റ്റംബര്‍ രണ്ട് മുതലാണ് ഇവിടങ്ങളില്‍ വിദ്യാര്‍ഥികള്‍ക്ക് ക്ലാസ് തുടങ്ങുന്നത്.
വെള്ളാര്‍മല സ്‌കൂളിനായി നല്‍കുന്ന കെട്ടിടങ്ങളുടെ പെയിന്റിങ് ഉള്‍പ്പെടെയുള്ള പ്രവൃത്തികള്‍ തുടങ്ങിയിട്ടുണ്ട്.
ബെഞ്ചും ഡെസ്‌കുമുള്‍പ്പെടെയുള്ള ഫര്‍ണിച്ചറുകള്‍ ഈ ആഴ്ച തന്നെ എത്തിച്ച് എല്ലാ സജ്ജീകരണങ്ങളും പൂര്‍ത്തിയാക്കും.
വെള്ളാര്‍മല സ്‌കൂളില്‍ ഒന്നുമുതല്‍ ഹയര്‍സെക്കന്‍ഡറി വരെ 497 കുട്ടികളാണ് പഠിക്കുന്നത്.
മേപ്പാടി സ്‌കൂളും ശനിയാഴ്ച തന്നെ സന്നദ്ധപ്രവര്‍ത്തകര്‍, സ്‌കൂള്‍ അധികൃതര്‍, ഹരിതകര്‍മ സേനാംഗങ്ങള്‍ തുടങ്ങിയവയുടെ നേതൃത്വത്തില്‍ ശുചീകരിച്ചു.
No Comment.