കേരള മാറ്റി കേരളം ആക്കാനുള്ള ബില്ലിന് കേന്ദ്രമന്ത്രിസഭാ യോഗം അംഗീകാരം നല്കി. ഭരണഘടനയില് സംസ്ഥാനത്തിന്റെ പേര് ‘കേരളം’ എന്നാക്കണമെന്ന ദീര്ഘകാല ആവശ്യമാണ് ഇപ്പോള് യാഥാര്ഥ്യമായിരിക്കുന്നത്.
പ്രധാനമന്ത്രിയുടെ പുതിയ ഓഫിസായ ‘സേവാ തീര്ത്ഥി’ല് ചേര്ന്ന ആദ്യ മന്ത്രിസഭാ യോഗത്തിലാണ് തീരുമാനമുണ്ടായത്. സേവാ തീര്ഥിലെ ആദ്യ തീരുമാനം എന്ന പേരിലും ഇത് ചരിത്രത്തില് ഇടംപിടിക്കും.
ഭരണഘടനയുടെ ഒന്നാം പട്ടികയില് സംസ്ഥാനത്തിന്റെ പേര് ‘കേരള’ എന്നാണ് രേഖപ്പെടുത്തിയിട്ടുള്ളത്. ഇത് ‘കേരളം’ എന്നാക്കി ഭേദഗതി ചെയ്യുന്നതിനുവേണ്ട അടിയന്തര നടപടികള് ഭരണഘടനയുടെ അനുച്ഛേദം 3 പ്രകാരം കൈക്കൊള്ളണമെന്ന് ആവശ്യപ്പെട്ട് 2024 ജൂണില് കേരള നിയമസഭ പ്രമേയം പാസ്സാക്കിയിരുന്നു. ഭരണഘടനയുടെ എട്ടാം പട്ടികയില് പറയുന്ന എല്ലാ ഭാഷകളിലും ‘കേരളം’ എന്ന് മാറ്റണമെന്നും പ്രമേയത്തില് ആവശ്യപ്പെട്ടു. ഈ ആവശ്യമാണ് കേന്ദ്ര മന്ത്രിസഭ ഇന്ന് പരിഗണിച്ചത്.
2023 ആഗസ്റ്റിലും ഇതേ കാര്യം ആവശ്യപ്പെട്ടുള്ള പ്രമേയം കേരള നിയമസഭ പാസ്സാക്കിയിരുന്നു. പക്ഷെ, സാങ്കേതിക പ്രശ്നം ചൂണ്ടിക്കാട്ടി കേന്ദ്രം അത് മടക്കുകയായിരുന്നു. ഭരണഘടനയുടെ ഒന്നാം പട്ടികയിലും എട്ടാം പട്ടികയിലും മാറ്റം ആവശ്യപ്പെട്ടായിരുന്നു ആദ്യ പ്രമേയം. എന്നാല്, ഒന്നാം പട്ടികയില് മാത്രം മാറ്റം വരുത്തിയാല്മതിയെന്ന് കേന്ദ്ര ആഭ്യന്തരവകുപ്പ് നിര്ദ്ദേശിച്ചു. ഇതേത്തുടര്ന്ന് പരിഷ്കരിച്ച പ്രമേയം കേരള നിയമസഭ പാസ്സാക്കി വീണ്ടും കേന്ദ്രത്തിന് അയക്കുകയായിരുന്നു.
ഇന്നത്തെദിവസഫലം ( പൊതുവിൽ ) 25 – 02 – 2026 രോഹിണി നക്ഷത്രം – എടവക്കു ർ ബുധനാഴ്ച
No Comment.