നെടുമ്പാശ്ശേരി മിനി കൂപ്പർ കാർ അപകടക്കേസിലെ ഒന്നാം പ്രതിയായ സുഹൈൽ ന് സുരക്ഷാ ഭീഷണി ചൂണ്ടിക്കാട്ടി വിയ്യൂർ സെൻട്രൽ ജയിലിലേക്ക് മാറ്റണമെന്ന ആവശ്യപ്പെട്ട് ബോസ്റ്റൽ സ്കൂൾ സൂപ്രണ്ട് സമർപ്പിച്ച ഹർജി അങ്കമാലി മജിസ്‌ട്രേറ്റ് കോടതി തള്ളി..

പ്രതിക്ക് നിലവിൽ യാതൊരുവിധ സുരക്ഷാ ഭീഷണിയുമില്ലെന്ന് വ്യക്തമാക്കിയ കോടതി, അവനെ നിലവിലുള്ള കാക്കനാട് ബോസ്റ്റൽ സ്കൂളിൽ തന്നെ തുടരാൻ ഉത്തരവിടുകയായിരുന്നു..

നിയമപ്രകാരം 18-നും 21-നും ഇടയിൽ പ്രായമുള്ള റിമാൻഡ് പ്രതികളെയാണ് ബോസ്റ്റൽ സ്കൂളുകളിൽ പാർപ്പിക്കാറുള്ളത് എന്നതിനാൽ, ഈ പ്രായപരിധിയിലുള്ള സുഹൈലിന് വിയ്യൂർ സെൻട്രൽ ജയിലിലെ കഠിന തടവുകാർക്കൊപ്പം പാർക്കേണ്ട സാഹചര്യം ഇല്ലെന്ന് കോടതി നിരീക്ഷിച്ചു..

ഒക്ടോബർ 11-ന് പുലർച്ചെ നെടുമ്പാശ്ശേരിയിൽ അമിത വേഗതയിലെത്തിയ ആഡംബര കാർ സ്കൂട്ടറിന് പിന്നിൽ ഇടിച്ചുകയറി മൂന്ന് യുവാക്കൾ ദാരുണമായി കൊല്ലപ്പെട്ട കേസിലാണ് സുഹൈൽ റിമാൻഡിലായത്..

കെമിക്കൽ ലാബ് പരിശോധനയിൽ അപകടസമയത്ത് പ്രതി അനുവദനീയമായ പരിധിയിലും അഞ്ച് ഇരട്ടിയിലധികം മദ്യം കഴിച്ചിരുന്നതായി കണ്ടെത്തിയിരുന്നു..

സംഭവത്തിൽ സുഹൈൽ അടക്കമുള്ള പ്രതികളുടെ ജാമ്യാപേക്ഷകൾ കോടതി നേരത്തെ തള്ളിയിരുന്നു..