മലപ്പുറം: വഴിയരികില്‍ വാഹനം പാര്‍ക്ക് ചെയ്തതുമായി ബന്ധപ്പെട്ട തര്‍ക്കത്തെ തുടർന്ന് പോലീസും യുവാവും തമ്മില്‍ കയ്യാങ്കളി.
മലപ്പുറം കൊണ്ടോട്ടിയില്‍ വെള്ളിയാഴ്ചയാണ് സംഭവം.
സംഭവത്തില്‍ മലപ്പുറം സ്വദേശി നൗഫലിനെ പോലീസ് അറസ്റ്റുചെയ്തു. വാഹനത്തിലെത്തിയ നൗഫലും സഹോദരിയും ഹോട്ടലിന് മുന്നില്‍ വാഹനം നിര്‍ത്തുകയായിരുന്നു. ഗതാഗതക്കുരുക്ക് ഉള്ള സമയമായതിനാല്‍ ട്രാഫിക്ക് ഡ്യൂട്ടിയിലുണ്ടായിരുന്ന പോലീസുദ്യോഗസ്ഥന്‍ വാഹനത്തിന്‍റെ ഫോട്ടോയെടുത്തു.
തുടര്‍ന്നുണ്ടായ തര്‍ക്കമാണ് കൈയാങ്കളിയിലെത്തിയത്. ഇതിനിടെ ദേഹാസ്വാസ്ഥ്യം അനുഭവപ്പെട്ട നൗഫലിനെയും സഹോദരിയേയും പോലീസ് ആശുപത്രിയിലെത്തിച്ചു. തുടർന്ന് ഔദ്യോഗിക കൃത്യനിര്‍വഹണം തടസപ്പെടുത്തിയതടക്കമുള്ള വകുപ്പുകള്‍ ചുമത്തി ഇയാളെ അറസ്റ്റ് ചെയ്തു.
സംഭവത്തില്‍ പോലീസുകാരനായ സദഖത്തുള്ളക്കെതിരെ നൗഫലിന്‍റെ സഹോദരി എസ്പിക്ക് പരാതി നല്‍കി
No Comment.