കുവൈത്തിലെ ലേബർ ക്യാമ്പ് തീപിടിത്തത്തില് മരണമടഞ്ഞ മലയാളികളുടെ എണ്ണം 24. മരിച്ചവരുടെ കുടുംബാംഗങ്ങള്ക്ക് സംസ്ഥാന സര്ക്കാര് അഞ്ച് ലക്ഷം രൂപ വീതം ധനസഹായം നല്കും. പരിക്കേറ്റ മലയാളികള്ക്ക് ഒരു ലക്ഷം രൂപ വീതം നല്കാനും പ്രത്യേക മന്ത്രി സഭായോഗം തീരുമാനിച്ചു.
ആരോഗ്യ വകുപ്പ് മന്ത്രി വീണാ ജോര്ജ്ജ് അടിയന്തിരമായി കുവൈത്തിലേക്ക് യാത്ര തിരിക്കും. സ്റ്റേറ്റ് മിഷന് ഡയറക്ടര് (NHM) ജീവന് ബാബു അനുഗമിക്കും…പരിക്കേറ്റ മലയാളികളുടെ ചികിത്സ, മരണമടഞ്ഞവരുടെ മൃതദേഹങ്ങള് നാട്ടിലെത്തിക്കല് തുടങ്ങിയ പ്രവര്ത്തനങ്ങളുടെ ഏകോപനത്തിനായാണ് ഇവര് കുവൈത്തില് എത്തുന്നത്.
മരണമടഞ്ഞവരുടെ കുടുംബങ്ങള്ക്ക് അഞ്ച് ലക്ഷം രൂപ വീതം സഹായം നല്കാം എന്ന് പ്രമുഖ വ്യവസായി MA യൂസഫലിയും 2 ലക്ഷം രൂപ വീതം സഹായം നല്കാം എന്ന് വ്യവസായി രവിപിള്ളയും മുഖ്യമന്ത്രിയെ ബന്ധപ്പെട്ട് അറിയിച്ചു. നോര്ക്ക മുഖേനയാണ് ഈ സഹായം ലഭ്യമാക്കുക. ഇതോടെ ഒരു കുടുംബത്തിന് 12 ലക്ഷം രൂപയാണ് സഹായം ലഭിക്കുക.
തൊഴിലാളികൾ ജോലി ചെയ്ത കമ്പനിയായ, മലയാളി വ്യവസായ പ്രമുഖൻ AG എബ്രഹാമിന്റെ ഉടമസ്ഥതയിലുള്ള NBTC കമ്പനി മാനേജ്മെന്റ് മരിച്ചവരുടെ കുടുംബ അംഗങ്ങൾക്ക് എട്ടു ലക്ഷം രൂപയും പ്രഖ്യാപിച്ചിട്ടുണ്ട്.
കുവൈത്ത് അഗ്നിബാധ മരണങ്ങളില് കേരള മന്ത്രിസഭ..അനുശോചനം രേഖപ്പെടുത്തി
സാധ്യമായ എല്ലാ സഹായങ്ങളും അപകടത്തില്പ്പെട്ടവര്ക്ക് ലഭ്യമാക്കാന് നോര്ക്കയുടെ ആഭിമുഖ്യത്തിലും പ്രവാസികളുടെ മുന്കൈയിലും ശ്രമം നടക്കുന്നുണ്ട്. ഹെല്പ്പ് ഡെസ്ക്കും ഗ്ലോബല് കോണ്ടാക്ട് സെന്ററും മുഴുവന് സമയവും പ്രവര്ത്തിക്കുന്നുണ്ട്.
ഇന്ത്യ ഗവണ്മെന്റ് കുവൈത്തില് നടത്തുന്ന ഇടപെടലുകളില് സംസ്ഥാന സര്ക്കാര് പൂര്ണ്ണപിന്തുണ നല്കും.
കേരളത്തിൻ്റെ ഡല്ഹിയിലെ പ്രതിനിധി പ്രൊഫസര് കെ വി തോമസ് വിദേശ മന്ത്രാലയവുമായി നിരന്തരം ബന്ധം പുലര്ത്തുന്നുണ്ട്.
No Comment.