ലോകത്തിലെ ഏറ്റവും സമ്പന്നമായ ഹിന്ദു ക്ഷേത്രമാണ് തിരുപ്പതി . ബാലാജി എന്നറിയപ്പെടുന്ന തിരുപ്പതി വെങ്കിടേശ്വരന്റെ ദർശനം ലഭിക്കുന്നത് പുണ്യമാണെന്നാണ് ഭക്തരുടെ വിശ്വാസം.
ഭക്തന്റെ അർഹതയ്‌ക്കനുസരിച്ച് ദേവൻ അനുഗ്രഹവും സൗഭാഗ്യവും നൽകുമെന്നാണ് വിശ്വാസം.
ഇപ്പോഴിതാ സർവ്വ സമ്പത്തിന്റെയും അധിപനായ വെങ്കിടേശ്വരനെ കാണാൻ കിലോക്കണക്കിന് സ്വർണ്ണം ധരിച്ച് , സ്വർണ്ണം പൂശിയ കാറിൽ എത്തിയ കുടുംബത്തിന്റെ ചിത്രങ്ങളാണ് ശ്രദ്ധ നേടുന്നത് .
പൂനെയിൽ നിന്നുള്ള സണ്ണി നാനാ വാഗ്ചോരി, സഞ്ജയ് ദത്താത്രയ ഗുജാർ, പ്രീതി സോണി എന്നിവരാണ് കഴുത്തിലും കൈയിലും 25 കിലോയിലധികം വരുന്ന സ്വർണാഭരണങ്ങൾ അണിഞ്ഞ് തിരുമലയിലെത്തിയത്. സ്വർണ്ണം പൂശിയ കാറിലാണ് കുഞ്ഞുൾപ്പെടുന്ന സംഘം എത്തിയത് . സുരക്ഷാ ഗാർഡുകളും ഒപ്പമുണ്ടായിരുന്നു.
ഇത്രയേറെ സ്വർണ്ണം അണിഞ്ഞെത്തിയ സംഘം ഭക്തരിൽ കൗതുകവും , ഒപ്പം അൽപ്പം ഭീതിയുമുണ്ടാക്കി.
No Comment.