അങ്ങനെ സുനിത വില്യംസ് ഭൂമിയിലേയ്ക്കുള്ള തിരിച്ചു വരവിന് ഒരുങ്ങുന്നു. ഒപ്പം സഹയാത്രികൻ ബുച്ച് വിൽമോറുമുണ്ട്. സ്പേസ് എക്സ് ക്രൂ-9 ബഹിരാകാശ യാത്രികരായ നിക്ക് ഹേഗ്, അലക്സാണ്ടർ ഗോർബുനോവ് എന്നിവർക്കൊപ്പമായിരിക്കും ഇരുവരും തിരികെയെത്തുക.
നാസയുടെ ബഹിരാകാശ വാഹനത്തിൽ ഉപയോഗിക്കുന്നതിൽ നിന്നു വ്യത്യസ്തമായ സ്പേസ് എക്സ് ഇൻട്രാ വെഹിക്കുലാർ ആക്‌റ്റിവിറ്റി സ്യൂട്ടുകൾ സ്പേസ് എക്സ് ക്രൂ വിൽ യാത്ര ചെയ്യുന്നതിന് ആവശ്യമാണ്. ഈ സ്യൂട്ടുകൾ സുനിതയും വിൽമോറും പരീക്ഷണാർഥം ആദ്യമായി ധരിച്ചുവെന്ന് നാസ റിപ്പോർട്ട് ചെയ്യുന്നു.
ബഹിരാകാശയാത്രികർ അവരുടെ സ്യൂട്ട് ധരിച്ച് ഡ്രാഗൺ പേടകത്തിനുള്ളിൽ ഓഡിയോ ടെസ്റ്റുകളും സീറ്റ് ഫിറ്റ് പരിശോധനകളും നടത്തി. ബഹിരാകാശ നിലയത്തിന്‍റെ ഹാർമണി മൊഡ്യൂളിലേക്ക് ഡോക്ക് ചെയ്ത ഡ്രാഗണിൽ അവർ എമർജൻസി ഡ്രില്ലുകളും പരിശീലിച്ചു.
ക്രൂ-9 ഡ്രാഗൺ മടക്കയാത്രയ്ക്ക് തയ്യാറാണെന്ന് ഉറപ്പാക്കാൻ സമഗ്രമായ സാങ്കേതിക, സുരക്ഷാ പരിശോധനകൾക്ക് വിധേയമായതായി നാസ സ്ഥിരീകരിച്ചു.
No Comment.