മണ്ണിടിച്ചിലിൽ നമ്മെ വിട്ടുപിരിഞ്ഞ അർജുൻ എന്ന നോവ് ഇന്നും മലയാളിമനസ്സുകളിൽ മായാതെ നിൽക്കുന്നുണ്ട്. ആ വേദനകൾക്കിടയിലും ഒരു സന്തോഷവാർത്ത പുറത്തുവരികയാണ്; അർജുന്റെ സഹോദരി അഭിരാമി വിവാഹിതയായി. ചാത്തമംഗലം സ്വദേശി ആദർശാണ് വരൻ. ഇന്ന് രാവിലെ കോഴിക്കോട് കണ്ണാടിക്കലിൽ വെച്ച് നടന്ന ചടങ്ങിൽ മുഖ്യമന്ത്രി ഉൾപ്പെടെയുള്ളവർ ആശംസകൾ അറിയിച്ചു.
എന്നാൽ, ഈ വിവാഹവുമായി ബന്ധപ്പെട്ട് അർജുന്റെ ലോറിയുടമ മനാഫ് പങ്കുവെച്ച വാക്കുകളാണ് ഇപ്പോൾ ചർച്ചയാകുന്നത്. അർജുന്റെ കുടുംബവുമായുള്ള മുൻപത്തെ ചില അഭിപ്രായ വ്യത്യാസങ്ങൾ കാരണം മനാഫിനെ വിവാഹത്തിന് ക്ഷണിച്ചിരുന്നില്ല.
“എന്നെ വിളിച്ചില്ല, പക്ഷേ അവരുടെ പ്രാർത്ഥനകളിൽ ഞാനുണ്ടാകും” എന്നാണ് മനാഫ് പ്രതികരിച്ചത്. തിരക്കുകൾക്കിടയിൽ അവർ എന്നെ മറന്നുപോയതാകാം എന്ന് വളരെ പക്വതയോടെയാണ് അദ്ദേഹം സംസാരിച്ചത്. താൻ അർജുന്റെ പേരിൽ പണം പിരിച്ചുവെന്ന ആരോപണങ്ങൾ വേദനപ്പിച്ചു എന്നും, അർജുന്റെ അമ്മ ഇന്നും തന്റെയും അമ്മയാണെന്നും അദ്ദേഹം വികാരാധീനനായി പറഞ്ഞു. ലോറിക്ക് ‘അർജുൻ’ എന്ന് തന്നെ പേരിടുമെന്ന തന്റെ തീരുമാനത്തിൽ മാറ്റമില്ലെന്നും അദ്ദേഹം കൂട്ടിച്ചേർത്തു.
വിവാദങ്ങൾക്കും പരിഭവങ്ങൾക്കുമപ്പുറം, അർജുന്റെ കുടുംബത്തിന്റെ പുതിയൊരു തുടക്കത്തിന് നമുക്കേവർക്കും ആശംസകൾ നേരാം. അഭിരാമിക്കും ആദർശിനും സന്തോഷകരമായ ദാമ്പത്യ ജീവിതം ആശംസിക്കുന്നു.
മരണം തോറ്റുപോയ നിമിഷം; മൂന്ന് ജീവനുകൾക്കായി സ്വന്തം ജീവൻ പണയപ്പെടുത്തിയ മലപ്പുറത്തിന്റെ ഷെഹൻഷാ!
വാക്ക് പാലിച്ച് പ്രധാനമന്ത്രി; സിദ്ധാര്‍ത്ഥിന്റെ കൈകളിലേക്ക് ആ കത്ത് എത്തി
No Comment.