ഖത്തറിലെ അല്‍ ഖോറിലുണ്ടായ വാഹനാപകടത്തില്‍ ഒരു കുടുംബത്തിലെ മൂന്നു പേരടക്കം അഞ്ചു പേര്‍ മരിച്ചു.

കരുനാഗപ്പള്ളി അഴീക്കല്‍ നിന്നുള്ള ദമ്ബതികളടക്കം ഒരു കുടുംബത്തിലെ മൂന്നു പേരും ഒപ്പം യാത്ര ചെയ്ത തമിഴ്‌നാടു സ്വദേശികളായ സുഹൃത്തുക്കളുമാണ് മരിച്ചത്. ഇവര്‍ക്കൊപ്പമുണ്ടായിരുന്ന മൂന്നു വയസ്സുകാരൻ ഗുരുതര പരുക്കേറ്റ് ആശുപത്രിയിലാണ്.

അഴീക്കല്‍ പുതുവല്‍ ജോസഫ് ഗോമസ്-മെര്‍ലിൻ ദമ്ബതികളുടെ മകള്‍ ആൻസി ഗോമസ് (29), ഭര്‍ത്താവ് നീണ്ടകര കല്ലുംമൂട്ടില്‍ കമ്ബനി കടയില്‍ തോപ്പില്‍ ജോണിന്റെ മകൻ റോഷിൻ ജോണ്‍ (38), ആൻസിയുടെ സഹോദരൻ ജിജോ ഗോമസ് (34), സുഹൃത്തുക്കളും തമിഴ്‌നാട് സ്വദേശികളുമായ പ്രവീണ്‍കുമാര്‍ ശങ്കര്‍ (38), ഭാര്യ നാഗലക്ഷ്മി ചന്ദ്രശേഖരൻ (33) എന്നിവരാണ് മരിച്ചത്. ആൻസിയുടെയും റോഷിൻ ജോണിന്റെയും ഏക മകൻ ഏദൻ റോഷിൻ (3) ആണ് ഗുരുതര പരിക്കുകളോടെ ആശുപത്രിയില്‍ പ്രവേശിപ്പിച്ചത്. കുട്ടി ഇനിയും അപകടനില തരണം ചെയ്തിട്ടില്ല.